人多既地方3G會慢

上年啱啱出部iPhone嗰陣揀左個無限plan，跟住就日日係咁用，Download App ，上youtube睇片，甚至駁落部PC同NOTEBOOK度上網，個3G又快又順，真係覺得物有所值。跟住嗰半年越來越多人出機，我覺得個3G越來越慢。

以前讀書學校裝左無線網絡，我同班唔識既學生一齊坐喺圖書館入面用NOTEBOOK上網，當時班學生去左食飯，我就上網搵資料，過左一陣，班人食完飯番黎開NOTEBOOK，我個無線就開始慢吞吞咁，上唔到網咁滯，後來班人傾完Project走鬼哂，我條線又快番。

今次我部手機既情況真係勾起左我學生時代既回憶，以前公司成個部門得我一個用3G上網，番工用部機睇youtube，facebook ，MSN都唔知幾爽，冇幾耐公司越來越多人用iPhone ，android，我部幾就開始間唔中斷下線。

雖然冇乜科學證明，但係個人覺得附近多人一齊上網部機就會慢D。