搶iPhone 4S ，iPhone 4再度翻炒

iPhone 4S外國開售，香港第二日就有水貨在先達炒賣，趁放假過去先達及及，見到炒到成萬蚊一部，跟住仲見到有條友仔一路係度講價問八千蚊得唔得，但係鋪頭個SALES企得好硬唔平俾佢仲有D黑面，之後條友仔好冇引咁走鬼左。

見到部4S咁驚貴，順便睇下iPhone 4既放售價係點，問過幾間都企到四千左右，有D仲出到四千三四，跟住茶餐廳食完野再走落蘋果專賣店兜個圈，門口大大張紙寫住iPhone 4缺貨，今朝睇報紙話部機先達價已經上番五千蚊。

真係估佢唔到部機到左而家仲咁鬼好賣。我就知道蘋果iPhone二手價不嬲硬淨，不過呢獲仲咁堅廷，睇黎買機都係買番蘋果着數D。