生化危機 6 (浣熊市行動 Operation Raccoon City)

遊戲公司CAPCOM剛剛公佈了生化危機第六集，名為浣熊市行動，上集生化危機五去非洲度打，開頭玩左一陣就冇心機玩落去。因為隻GAME節奏慢，玩唔夠一陣就播片又冇得跳走佢。仲有支槍唔夠勁，射出來啲子彈好以氣槍咁，槍聲唔掂，射中啲目標又有乜反應，對一隻射擊遊戲來講，槍既效果係好緊要。所以有乜心機玩落去。

上次第五集都好期待，不過拖左好耐先出，中間外國出左隻Left 4 dead食左佢條水，喱隻鬼佬GAME食哂生化危機個概念唔在講而且個遊戲引擎仲整得好鬼勁，玩過之後都覺得生化危機唔係好掂。

日本仔都知道歐美開發商唔野少，今次隻GAME重新定位以動作射擊遊戲主打，加強團隊合作模式，仲有既係遊戲交由外國開發商Slant Six制作，直頭用外國射擊遊戲技術植入生化危機裏面，睇過啲Demo覺得今次係有啲唔同左，場面都幾火爆，支槍射到霹靂拍肋咁，氣氛以足外國GAME灰灰暗暗，今次背景係城市，適合槍戰格鬥及網上對戰。見到咁樣現在對隻GAME都有啲期待。